多謝大家上年送咗咁多衫仔、裙仔、鞋仔、玩具⋯
比我個好姊妹嘅一對仔女~👦🏻👧🏻
佢哋長高咗，嗰啲衫已經完全唔啱身⋯
明明又窄又緊⋯佢哋仲夾硬扮無嘢⋯照著⋯🤦🏻♀️
連我早幾個月執嗰一大袋少爺好少著⋯唔太鍾意著⋯就嚟唔啱著嘅衫褲，哥哥已經唔太啱著⋯😔
好在我買咗兩條裙仔比妹妹，可惜未買到鞋仔⋯😑
如果大家仲有小朋友衫/褲/裙仔/鞋仔唔要嘅⋯
只要你哋唔介意送比佢哋，我隨時安排接收~😊
👧🏻👉🏻👚👗Size 120~130
👦🏻👉🏻👕Size 140~150。👖Size 130~140
👟Size 未知⋯要問問先
當日⋯因為我嘅一個不情之請⋯🙇🏻♀️
大家二話不說就齊齊出手相助~💪🏻
你哋嘅熱心&慷慨⋯不但幫佢哋走出困境⋯
亦令哥哥同妹妹感受到前所未有嘅幸福~💗
得到素未謀面嘅陌生人❄️雪中送炭🔥
嗰份溫暖⋯為徬徨無助嘅單親媽媽帶嚟希望~💭
最艱苦嘅日子⋯終於一步一步咁捱過了⋯🌤
尋晚終於可以帶埋少爺出去探佢哋⋯無見幾個月⋯
兩隻小魔怪面色好咗，無之前咁青⋯🤢
個身都無之前咁瘦弱，開始長番少少肉，實在太好喇~😭
一入到屋⋯嘩‼我無入錯屋呀⁉️唔同哂嘅⁉️️😳
以前家徒四壁⋯個廳得嗰幾件殘舊嘅二手傢俬⋯
梳化。電視櫃。鞋櫃。同埋一張一撞即散嘅茶几仔⋯🤦🏻♀️
依家多咗張妹妹專用嘅小朋友枱仔~🎨👧🏻📚
一個闊身儲物櫃⋯竟然仲有張餐枱連4張餐椅‼️ 😱
幾時都話💬 當女人硬淨起上嚟，絕對唔係嘢少‼️
嗰份能耐一但爆發⋯絕對比男人還要強‼️💪🏻
個傻婆居然堅到用一個月時間，逐少逐少咁將凹凸破爛嘅地下重新舖上新地板‼️😱😱😱
成間屋變得企理哂⋯開始有番✨家嘅感覺✨⋯🏡
#天下賤男何其多 #總會碰上一兩個
#關關難過關關過 #日子再苦總會過
#與其日日受折磨 #何不放手愛下個
Search